Horario

• Inverno
  • Luns a venres: de 9 a 20.30h (os martes pecha de 14 a 16h)
  • Sábados: de 10 a 14h e de 17 a 20.30h.
• Verán (do 15 de xuño ao 15 de setembro, incluídos)
  • Luns a venres: de 9 a 20.30 h. (os martes pecha de 14 a 16 h.)
  • Sábados: de 10 a 14 h.
• Días de peche: domingos e festivos, 24 e 31 de decembro, e sábado de Semana Santa.

Como chegar

Localiza a biblioteca no mapa da cidade e visítanos! Se vas facelo en medios de transporte públicos ou en bicicleta esta información serache útil:

Liñas de bus urbano

Liña 7 - Liña 12A - Liña 14

Estacións de bicicletas

• Centro Ágora
• Casa da auga
• Conchiñas
• Sacra Familia

Que me ofrece esta biblioteca

A Biblioteca Municipal Ágora intégrase dentro da rede de bibliotecas municipais da Coruña e ofrece os seguintes servizos:

Espazos para nenos, novos e adultos:

• Bebeteca, de 0 a 3 anos.
• Zona infantil que se divide en dous tramos de idade con espazos diferenciados: de 0 a 8 anos e de 9 a 14 anos. Centro de interese SOS Nais e Pais, que reúne unha selección de recursos para orientar ás familias nas diferentes etapas do crecemento dos fillos.
• Zona xuvenil.
• Zona de adultos.
• Préstamo de documentos, tanto a socios individuais como socios colectivos (entidades): libros de ficción e de materias, películas, documentais, cds de música, etc.
• Internet e ofimática. Acceso a internet con equipo portátil propio mediante wifi ou ben utilizando os computadores de uso público que hai na biblioteca.
• Visionado de películas e audición .
• Lectura de xornais e revistas.
• Reserva de aulas a grupos, para a realización de traballos en grupo ou reunións.
• Actividades de promoción da lectura para todas as idades, cursos, charlas, visitas á biblioteca, talleres, etc.
• Servizo de atención tecnolóxica
• Escáner.
• Voluntariado: cos seguintes programas Préstamo no fogar, Lectura en voz alta, alfabetización de adultos...

Máis información

A Biblioteca Municipal Ágora, inaugurada en 2012, é a de maior tamaño de todas as que forman a Rede de Bibliotecas Municipais da Coruña xa que supera os 1700 metros cadrados.

Situada xeograficamente á beira do histórico Barrio de Mariñeiros, dá servizo a unha ampla zona xeográfica, un importante volume de poboación que supera os 20.000 habitantes (San Pedro de Visma, parte de Labañou, Mariñeiros, Peruleiro, Agra do Orzán, Ventorrillo, A Silva e Cances).

A Biblioteca atópase dentro do Centro Ágora, un equipamento municipal integrado e cunha variada programación dirixida a todo tipo de públicos.

A biblioteca actúa como un equipamento sociocultural de proximidade, dando servizo e atención ao conxunto dos veciños da súa zona de influencia.

O blogue SumaÁgora dá voz a identidade, memoria, espazos, persoas e futuro do barrio.