Xoán Curiel e a Banda do Verán gravaron para nós o moi rockeiro e terrorificamente divertido concerto baseado no libro-CD A casa do terror. Presentan un novo musical cheo de rock e de terror trouleiro que se desenvolve entre cancións, danzas, elementos teatrais ou de clown e que activa o público que os ve, axudando a minimizar o medo nas crianzas. 

A perspectiva do terror abórdase neste espectáculo dun xeito divertido e lévase a cabo a través de personaxes como os gativampiros, o monstro da lavadora, a pantasma con asma e moitas máis!

Para público familiar, xa que as referencias á música dos 80 e 90 están moi presentes, nenas e nenos a partir dos 3 anos, estará en liña desde hoxe ata o 23 de xaneiro para que poidades desfrutar del unha e outra vez.

Esta actividade insírese na programación de Nadal e do Programa Apego de Normalización Lingüística.

Espectáculo en formato dixital, por mor da pandemia sanitaria.