Condicións de participación

Preinscrición: 23, 24 e 25 de maio

Para preinscrición dos campamentos do Fórum a través da web https://www.coruna.gal/cultura/es/preinscripcion-en-los-campamentos-de-verano-del-forum

Para preinscrición dos campamentos do Ágora a través da web

https://www.coruna.gal/cultura/es/preinscripcion-en-los-campamentos-de-verano-del-agora

*Pódense solicitar todas as quendas que se desexen, en ambos os centros e débese facer por orde de preferencia.

**Unha vez que realice a inscrición, recibirá no seu correo electrónico a resposta con todos os datos que apuntou. Comprobe que son correctos.

Publicación das listaxes de preinscrición: 27 de maio.

Reclamacións: 30 e 31 de maio e 1 de xuño.

Sorteo das prazas: 3 de xuño ás 10.00 h, en cada sede.

Os números resultantes do sorteo son:

Ágora: 108

Fórum: 444

A quenda de adolescentes de Ágora non se sorteou debido a que o número de solicitudes foi inferior ao número de prazas, polo que todas as persoas da lista están admitidas.

A partir dos números sorteados adxudicaranse as prazas e o martes publicaranse as listaxes de admitidos/as para que entre o mércores 8 e o venres 10 procedan ao pagamento por transferencia e ao correspondente envío por correo electrónico do xustificante ao enderezo indicado no folleto informativo. 

Publicación das listaxes de prazas adxudicadas e das listaxes de agarda: 7 de xuño nas webs coruna.gal/campamentos2022 e coruna.gal/cultura e no servizo telefónico 010.

Inscrición e pagamento: do 8 a 10 de xuño por transferencia.

Adxudicación de prazas ás listaxes de agarda: para ocupar as prazas vacantes e as non aboadas, terán preferencia as persoas das listaxes de agarda que non obtivesen ningunha praza, respectando a orde de numeración do sorteo. Contactarase telefonicamente coas persoas das listaxes de agarda para saber se continúan interesadas en inscribirse. Realizaranse tres intentos de contacto telefónico a diferentes horas. De non se conseguir a comunicación, pasarase á seguinte persoa da listaxe de agarda.

Calendario de chamadas telefónicas ás listaxes de agarda: primeira volta: o día 13 de xuño. Terán que aboar a cota os días 14 ao 16 de xuño. Segunda volta: o día 20 de xuño. Terán que aboar a cota os días 21 ao 23 de xuño. A partir do 27 de xuño, o resto das prazas que poidan quedar vacantes serán ocupadas polo público en xeral por orde de chegada, que se deberá inscribir na sede correspondente (nos horarios que se comunicarán) e aboalas no momento.