De Ron Lalá

Finais do século XVI. A bordo dunha barca á deriva, tres náufragos reman para alcanzar as costas do Novo Mundo. O capitán Hernán Galán busca a gloria, o mariño Fulano busca o ouro, o misioneiro frei Pío busca almas para a fe. Os tres vivirán mil peripecias e desventuras en alta mar e en costas descoñecidas para descubrir que ninguén é quen di ser e nada é como parece. E descubrindo o Novo Mundo quizá se descubran a si mesmos...

La Desconquista é unha comedia burlesca, cómica e musical, baseada nas crónicas do Descubrimento. Unha viaxe disparatada aos soños e ambicións imperiais ao máis puro estilo de Ron Lalá: cinco actores-músicos, teatro en verso, clásico á maneira do Século de Ouro, música en directo, ritmo desenfreado e, sobre todo, moitas gargalladas. Unha festa escénica e musical que vira ao redor das ambicións, obsesións, medos e angustias do Imperio onde non se poñía o sol, no seu afán de conquista e no seu pasmo ante a nova realidade dun continente aínda descoñecido. Unha visión mordaz e delirante con textos e música orixinais, humor vertixinoso, poesía escénica e un quinteto de comediantes inimitables. Ron Lalá lánzase á Desconquista!

Elenco: Juan Cañas, Miguel Magdalena, Diego Morales, Luis Retana, Daniel Rovalher

Dirección: Yayo Cáceres

Dramaturxia e letras: Álvaro Tato

Composición e arranxos: Yayo Cáceres, Juan Cañas, Miguel Magdalena, Daniel Rovalher

Dirección musical: Miguel Magdalena

Vestiario: Tatiana de Sarabia

Escenografía: Ron Lalá, Tatiana de Sarabia

Iluminación: Miguel Ángel Camacho

Venda de entradas soltas a partir do 4 de setembro

Despacho de billetes da praza de Ourense, de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña