ELA é unha reputada artista bilbaína. O seu marido, un exitoso home de negocios. A súa irmá, unha muller atropelada pola vida. A súa nai esa persoa que nunca a abrazou... E o seu ex alguén con quen ser nai foi unha posibilidade. Este é o escenario dela, a nosa YERMA. Un escenario onde esta nova muller flúe como un tequila en Puerto Escondido, como un bhang lassi en Goa, como unha cervexa fría en Alexanderplatz.

Quizais sexa un sacrilexio expor unha YERMA sen unha palabra de Lorca, pero esta contén as palabras de todas aquelas mulleres que hoxe se enfrontan á imposibilidade de ter descendencia. Porque son moitas, aínda que ninguén fale delas. E son coma ELA: mulleres exitosas nos seus traballos que cean en restaurantes de moda, viaxan a países exóticos,  desmándanse en festivais, teñen un Iphone e círculos sociais envexables. ELA; mulleres normais, independentes, coas súas parellas, o seu aparente empoderamento, os seus soños e un único desexo non concedido: o da maternidade. A súa versión feminista nunca lle deixou formularse que a partir de certa idade era difícil concibir e agora... a presión non para de crecer e ELA quere algo que nunca quixo, algo que implica un conflito biolóxico e emocional ineludible. Iso é esta YERMA. Esa muller onde o natural e o belo se volve obsesivo e doloroso. Esa muller onde o DESEXO é capaz de levar por diante o AMOR.

Con Ane Pikaza, Aitor Borobia, Loli Astoreka, Leire Orbe e Unai Izquierdo

Dirección e dramaturxia: María Goiricelaya

Produción de La Dramática Errante

*Venda de entradas soltas a partir do 6 de setembro

Despacho de billetes da praza de Ourense, de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña