Quen dixo que o branco non é unha cor? É unha cor ben bonita se pintamos sobre fondo negro, por exemplo. E isto amosaránolo Antía Otero, a escritora que argallou a historia de "O branco non pinta!"

A actividade desenvolverase na aula 8 do Centro Ágora e haberá dous pases:  Contaconto-obradoiro "O branco non pinta!" Pase 17.00 h  e  Contaconto-obradoiro "O branco non pinta!" Pase 18.30 h para os que se haberá que inscribir previamente  en https://www.coruna.gal/lingua/gl/axenda/proximas-inscricions

Por mor das restricións pola situación sanitaria a cada pase só poderán asistir 18 familias (crianza + persoa adulta).

Organiza Normalización Lingüística do Concello da Coruña dentro do programa Apego.

REQUISITOS POLA SITUACIÓN SANITARIA:

• Non poderán acceder ao evento aquelas persoas con síntomas compatibles coa COVID-19, aquelas diagnosticadas coa enfermidade e que non finalizasen o período de illamento ou as persoas que estean en período de corentena domiciliaria por teren contacto estreito con algunha persoa con síntomas ou diagnosticada de COVID-19.
• Asistirá á actividade a crianza inscrita cunha persoa adulta responsable.
• Manterase correctamente posta a máscara dende que se entra no centro ata que se sae. É obrigatoria dende os 6 anos. 
• Evitaranse aglomeracións e accederase ás aulas de xeito ordenado e gardando a distancia de seguridade.
• Aplicarase solución hidroalcohólica nas mans ao entrar e ao saír do recinto.
• Seguiranse as instrucións do persoal organizador.