Despois de cubrir a capacidade máxima marcada para o encontro coa autora na xornada do sábado 29 en horario de mañá, o festival CoruFest organiza unha nova entrevista, en xornada de tarde. O encontro, tamén con capacidade limitada, desenvolverase na aula 9 do Centro Ágora ás 18h e será conducido por Lázaro Louzao, director de "Nove de novembro".

Valeria Vegas é autora de libros como Libérate:  la cultura LGTBQ que abrió camino en España (Dos bigotes, 2020), Vestidas de azul. Análisis social y cinematográfico de la mujer transexual en los años de la Transición española (Dos Bigotes, 2019).  Grandes actrices del cine español (Ocho y Medio, 2015) e ¡Digo! Ni puta ni santa. Las memorias de La Veneno (Roi Porto Calvete, 2016), a exitosa biografía que serve de base para a serie de televisión creada por Javier Calvo e Javier Ambrossi.