"Antes do principio do todo había a nada. Despois chegou o vento que moveu a nada. Co movemento saltaron tres chispas: a primeira apagouse e naceu a Lúa. A segunda quedou acesa e naceu o Sol. A terceira comezou a xirar e naceu a Terra. Na terra hai un carballo. No carballo hai un niño. No niño hai unha merla que choca tres ovos..."

"Derriba da lúa" é un espectáculo-obradoiro de narración oral e música, de recente creación, para familias con nenos de 0 a 3 anos. Queremos arrolar, contar, cantar e xogar xuntas para soñar e medrar libres coma paxaros.

Unha proposta de lecer en familia de Rilo e Penadique (Culturactiva).

A actividade desenvolverase na aula 7 do Centro Ágora e haberá dous pases:  Día do Apego. "Derriba da Lúa", de Rilo e Penadique ás 17.00 h  e Día do Apego. "Derriba da Lúa", de Rilo e Penadique ás 18.00 h , para os que se haberá que inscribir previamente en https://www.coruna.gal/lingua/gl/axenda/proximas-inscricions.

A cada pase poderán asistir 40 familias (crianza + persoa adulta). Pídese puntualidade.

Organiza Normalización Lingüística do Concello da Coruña dentro do programa Apego.