Un excelente show de contacontos bilingüe (castelán-inglés) baseado nos seus libros e pensado para nenos. Nesta ocasión Adam presentará dúas dos seus grandes éxitos, O  Chupacabras e  Dragon´ s  Love Tacos. Dúas historias cheas de humor, aventuras, tenruras e encantadores monstros famentos. Durante o espectáculo os nenos escoitan, participan e aprenden novas palabras de mans dun escritor nativo. E ao final do espectáculo ábrese unha quenda de preguntas e respostas onde os nenos poden aclarar as súas dúbidas acerca das historias escoitadas e das palabras aprendidas.

Adam  Rubin ( Stamford,  Connecticut, 1983) é un prestixioso autor con máis de dez títulos publicados e un millón de exemplares vendidos. Os seus libros permaneceron na lista de  best  sellers de  The New York Times durante máis de 250 semanas e o seu último título, O  Chupacabras, foi nomeado ao  Blue  Bonnet, considerado como un dos premios literarios máis prestixioso de Estados Unidos. A peculiaridade deste último libro radica en que está escrito en dous idiomas á vez: inglés e castelán. Dada a situación política actual en Estados Unidos,  Rubin sente que promover a educación bilingüe para nenos é máis importante que nunca. Por iso viaxa visitando escolas e teatros de todo o mundo presentando e compartindo os seus libros cos máis pequenos. Actualmente está a mellorar a súa escritura en español e investigando outros proxectos para promover a aceptación multicultural en Estados Unidos.

VENDA DE ENTRADAS

Despacho central de billetes da praza de Ourense: de luns a venres (agás festivos) de 9.30 a 13.00 h e de 16.30 a 19.30 h

Despacho de billetes do Teatro Colón: aberto só os días de función desde unha hora antes (só se quedan entradas dispoñibles)

Televenda: 902 044 226 (luns a venres de 9.00 a 22.00 h; sábados de 14.00 a 22.00 e domingos de 16.00 a 21.00 h) ou web