O sábado 30 de novembro ás 11.00 h teremos na Biblioteca Sagrada Familia a ACODIS, Asociación da Coruña de Dislexia e outras DEA, que nos trae unha historia de dragóns, onde os nenos e nenas aprenderán sobre a dislexia e outras DEA, e como poden superar os desafíos que estas presentan.

Traballarán cos nenos e nenas estratexias para a autorregulación emocional, a mellora da lectura e a escritura, e a aceptación da diversidade.

Esta actividade é unha forma divertida e atractiva de lles ensinar aos nenos e nenas sobre a dislexia e outras DEA, e de axudarlles a desenvolver habilidades necesarias para o día a día.