Esta obra semella ser unha reconstrución do noso pasado galaico-caribeño representado en cinco actos onde galegos, mulatas e negros dan vida a uns personaxes que se desenvolven e transforman segundo van transcurrindo os cambios políticos e sociais en Cuba dende 1886 ata o 1990. Escravos africanos, emigrantes e mulatas que amosan coas súas andanzas unha panorámica histórica en clave de humor. 

Esta comedia transcorre no Caribe, concretamente na illa de Cuba, e está dividida en cinco actos. O primeiro acto acontece no século XIX nunha Cuba de escravismo, onde a emigración era a única esperanza para moitos de atopar unha saída á miseria e, un galegom unha mulata e un negro atópanse, logo de desembarcar en sendos barcos de inmigrantes, escravos africanos, galegos e chineses (1886). O segundo acto ten lugar en plena loita independentista, no "Desastre do 98": un galego, unha mulata e un negro vense nunha encrucillada no medio da selva cubana (1898). O terceiro acto data xusto antes da II Guerra Mundial. O país estana nas mans de mafias, gansters, corrupción, e un galego, unha mulata e un negro atópanse nun cabaré (anos 30). O cuarto acto ocorre tres anos logo da caída do dictador Batista, cando a Revolución está en todo o seu esplendor coa ilusión dunha Cuba libre. A escena é nun locutorio telefónico (1962). E o quinto e último acto transcorre nunha illa perdida no medio do Océano, abeirando a tres náufragos (como non, un galego, unha mulata e un negro) que, segundo palabras do propio autorm son "víctimas de tempos difíciles, que agardaban a non se sabe moi ben a quen".

Reparto

Escena I: 

O Galego: Emigrante, Manuel Pernas

A Mulata: Intérprete, Nelly Varela

O Negro: Escravo, Carlos Novo

O Chino: José Luís G.Pampín

Escena II 

O Galego: Quinto do exército español, Emilio Caínzos

A Mulata: Guajira, Nieves Alcañíz

O Negro: Mambí, Rafa Fernández

Escena III 

O Galego: Comerciante de zapatos, Pedro Villarino 

A Mulata: Cabareteira, Flor Pérez Ferreiro 

O Negro: Vendedor de prensa, Carlos Novo 

Mr. Johnny Bobby: José Luís G.Pampín

Escena IV

O Galego: Contrabandista, José Luís G.Pampín

A Mulata: Corista, María José López Ferrer

O Negro: Contrabandista, Miguel Ángel Jares

Equipo técnico e artístico: 

Escenografía e atrezo: Rafa Fernández

Deseño de Cartel: Mode de la Cal

Coreografía: Nieves Alcañíz

Deseño de Luces e Iluminación: Matilde Blanco

Cartelería: Duettone Rotulación

Técnica de son: Andrea González

Directora técnica: Matilde Blanco

Producción: Asociación Cultural Cardume

Dirección: Matilde Blanco

Venda de localidades: Desde unha hora antes no despacho de billetes do Centro Ágora.