Con el parecerás Fuco, Pillo, Lili, Carolina...

O que pasa é que non todo o mundo pode ser un rato, porque xa sabedes que os ratos de "LonxeDeTodo" son moi lectores e coñecen moitos contos!.

Pero nós traemos a solución para que o consigas: se queres ser "Rato" tes que coñecer un montón de contos. Coñeces ou non coñeces moitos contos? Seguro que sí.

Nas bibliotecas imos facer un xogo: entregarémosche unha chequeira con billetes para que vaias adiviñando os "libros misteriosos" dos que os Ratos de Lonxedetodo irán dando pistas nas distintas emisións en streaming.

Para adiviñar o libro de cada sesión, poderás tamén achegarte á túa biblioteca e darémosche máis pistas para axudarche co misterio e, cando o descubras, cuñaremos o billete da túa chequeira. Só tes que adiviñar un número determinado de contos e... listo! o carné de Rato Honorífico de Lonxedetodo será teu.

Que che parece?