Nacida en Santiago de Compostela en 1994, Rosalía realizou estudos de piano con Alan Weiss (Conservatorio de Utrecht) e Claudio Martínez Mehner (Hochschule für Musik Basel). Paralelamente estudou con Jörg Andreas Bötticher (clave) e Edoardo Torbianelli (fortepiano) na Schola Cantorum Basiliensis. Ademais, cursou un Máster en Investigación Musical na Valencia International University coa tesina "O rubato na música para piano de Franz Schubert". Tras gañar o Concurso Young Pianist Foundation de Ámsterdam (2013) debutou como solista en salas como o Concertgebouw de Ámsterdam, Tivoli Vredenburg Utrecht, Palau de la Música Catalana, Cairo Opera House, Konzerthaus Dortmund e Herkulessaal Múnic, entre outros escenarios de Europa, Estados Unidos e Oriente Medio. Actúa habitualmente con orquestras como a Noord Nederlands Orkest, Real Filharmonía de Galicia, Sinfónica de Galicia, Nederlands Jonge Orkest, Cairo Symphony Orchestra, Duisburger Philarmoniker, Folkwang Kammerorchester Essen e Basel Symphony Orchestra. Foi invitada a festivais como o Swiss Chamber Music Festival, Wissembourg Chamber Music Festival, Janine Jansen and Friends Festival, Storioni Festival, Delft Chamber Music Festival, Musikdorf Ernen, Shiermonnikoog Chamber Music Festival, Clásicos de Verano, Utrecht Early Music Festival Fringe, Espazos Sonoros, Música Antiga da Cámara, Jagthuis Fortepiano Weekend e Festival Radovljica, entre outros. Rosalía traballou como profesora na Hochschule für Musik FRANZ LISZT Weimar entre 2020 e 2021 e na Hochschule für Musik Basel entre 2021 e 2024. Actualmente ensina Piano e Música de Cámara na Escola Superior de Música de Cataluña. Ademais, imparte regularmente seminarios e conferencias sobre as prácticas interpretativas do século XIX en diferentes universidades de Europa e EEUU.

Venda de entradas:

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do teatro, dende as 16.00 h do día do concerto

Venda en liña