Vértice de Versos é unha longametraxe documental na que se repasa o acontecido desde os anos 90 no universo poético de Galicia. É un proxecto audiovisual que permite coñecer a principal fonte literaria galega.

É a primeira vez que un documental se introduce na poesía galega, descubrindo a súa historia, contando a revolución literaria dos 90 e coñecendo como están sendo as novas formas de expresión poética. Interveñen nel 17 poetas e 2 dos principais especialistas na literatura galega contemporánea. 

Vídeopoesía, música, ilustración, danza ou artes plásticas están presentes nun documental áxil e feito para quen nunca se achegou á poesía galega.

Teremos un coloquio, posterior á proxección, no que intervirán Carlos Lorenzo, Yolanda Castaño, Emma Pedreira e Miguel Anxo Fernán Vello. Será moderado por Mercedes Queixas.

Organizador: Servizo de Normalización Lingüística do Concello da Coruña