"Brincadeiras da lingua" ten como obxectivo dar a coñecer a enorme riqueza de ditos e recitados da literatura popular infantil de Galicia e fomentar a súa práctica. Mediante xogos verbais de participación, cancións, contos, monicreques e outros recursos, ofrécese dun xeito divertido unha escolma dos ditos recollidos na serie audiovisual do mesmo nome.

A actividade desenvolverase na aula 8 do Centro Ágora e haberá dous pases:  "Brincadeiras da lingua", de Migallas Teatro, ás 17.00 h  e  "Brincadeiras da lingua", de Migallas Teatro, ás 18.30 h  para os que se haberá que inscribir previamente  en https://www.coruna.gal/lingua/gl/axenda/proximas-inscricions

Por mor das restricións pola situación sanitaria a cada pase só poderán asistir 18 familias (crianza + persoa adulta).

Organiza Normalización Lingüística do Concello da Coruña dentro do programa Apego.

REQUISITOS POLA SITUACIÓN SANITARIA:

• Non poderán acceder ao evento aquelas persoas con síntomas compatibles coa COVID-19, aquelas diagnosticadas coa enfermidade e que non finalizasen o período de illamento ou as persoas que estean en período de corentena domiciliaria por teren contacto estreito con algunha persoa con síntomas ou diagnosticada de COVID-19.
• Seguiranse as instrucións do persoal organizador.