Una noche sin luna é unha peza conmovedora e sorprendente que nos fala de Lorca dende unha sensibilidade do século XXI, como se o propio Federico estivese hoxe aquí entre nós.

Una noche sin luna é unha obra na que nos achegamos aos aspectos menos coñecidos da vida e da obra de Federico García Lorca. A viaxe que propón a función non é unha viaxe arqueolóxica, senón un xeito de coñecer a nosa propia realidade a través da súa obra. Desta maneira a obra convértese nunha peza viva, atrevida e dinámica na que a palabra de Lorca, a súa vida e o seu mundo serven de espello do noso.

A obra recolle entrevistas, charlas e conferencias de Federico García Lorca, así como fragmentos das súas obras, e ao final, a modo de "tablao" flamenco, moitos dos seus poemas. A través destes e da dramaturxia de Juan Diego Botto, é o propio Lorca quen en primeira persoa nos achega ao seu mundo.

Con moita ironía, emotividade e sentido do humor, o autor vai relatando o seu paso pola residencia de estudantes, as críticas recibidas por Yerma, a súa experiencia en La Barraca, a súa relación coa prensa, os seus amores, a tensión dos seus últimos anos, e con todo iso ímonos achegando a temas como o papel da muller baixo a súa mirada sempre poética e reivindicativa, a necesidade da liberdade artística e de expresión, a loita pola liberdade de identidade sexual, ou a importancia da memoria e das raíces.

Ten sentido falar de Lorca hoxe? Falar de Lorca hoxe é falar de nós mesmas e nós mesmos. E esta obra pretende facelo dende a honestidade e o sentido de espectáculo.

Con Juan Diego Botto

Dirección: Sergio Peris-Mencheta

Deseño de escenografía e vestiario: Curt Allen Wilmer (aapee) con estudioDedos

Deseño de iluminación: Valentín Álvarez

La Rota Producciones, Barco Pirata e Concha Busto Producción y Distribución

*Venda de entradas soltas a partir do 8 de setembro

- Despacho de billetes da Praza de Ourense: de luns a venres de 11 a 15 h e de 16.30 a 19.30 h

- Despacho de billetes do Teatro Rosalía: só abre os días de función de 16 a 20 h

- Venda en liña: Ataquilla.com

* Programación para persoas adultas, idade recomendada a partir de 14 anos

* Unha vez que o espectáculo comece, non se permitirá o acceso á sala.