"Corochas", de Xarope Tulú, está interpretada pola actriz Atenea García.

Corochas, coscas ou cóxegas: sensación que experimentamos cando nos tocan algunhas partes do corpo e que se manifesta nun riso involuntario. Por que será que existen tantos xeitos de chamarlles ás corochas? Pode ser que a sensación para cada unha de nós é tan diferente que non somos quen de lles poñer un nome só? Ou será que as corochas só existen á beira do mar e as cóxegas no alto da montaña...

Os contos ás veces son coma as corochas, fannos viaxar a lugares a onde normalmente non chegamos ou a partes do corpo ás que non lles poñemos atención.

Contos acumulativos, cancións e xogos de imitación. A actividade realizarase na aula 8 do Centro Ágora.

Organiza Normalización Lingüística do Concello da Coruña dentro do programa Apego.