Los días azules é unha película documental de Laura Hojman (Sevilla, 1981) en torno ao legado poético e a vida de Antonio Machado. Na que fora a súa segunda longametraxe, a cineasta toma ó escritor como símbolo da España que se perde. É un canto á importancia de cultura para a vida, para o progreso e para crear unha sociedade mellor. Unha peza poética e comprometida que reconstrúe a vida e o pensamento do poeta a través dun relato íntimo e político. Para iso, apoiouse na labor de Pedro Casabalanc como actor, representando a Machado, e nos testemuños de figuras como Ian Gibson, Antonio Muñoz Molina, Elvira Lindo ou Luis García Montero. A proxección virá acompañada da presenza da autora, quen presentará o seu proxecto e dialogará co público. A sesión será completada cunha interpretación musical en directo de O cant dels ocells, melodía tradicional catalá segundo a adaptación que fixo Pau Casals para violoncelo, a cargo de Juan Antonio Almarza Esparza. Esta proposta forma parte do ciclo NEXOS, dedicado á intervención e recuperación da memoria a partir do encontro entre distintas disciplinas artísticas, e terá continuación o 31 de octubro coa presenza de Elsa Moreno, tamén na Casa Museo Casares Quiroga, da que os informaremos na nosa próxima Newsletter.