Neste concerto poderemos gozar dun programa composto por Temazcal de Javier Álvarez, Il legno e la parola, de Salvatore Sciarrino, Schwarze Wolken (Nubes Negras na súa traducción ao galego) de Edison Denissow, e Psappha, de Iannis Xenakis.

alardoado con varios primeiros premios en Concursos nacionais e internacionais, Noè Rodrigo é un dos mozos percusionistas con máis proxección do panorama actual. Tocou en salas como o Palau da Música Catalá, Usher Hall de Edimburgo, Muziekgebouw Amsterdam ou Fundación Juan March e participou en festivais como o de Granada, Santander, Edimburgo, Lucerna ou Eindhoven. Como solista tocou xunto á Scottish Chamber Orchestra, a Orquestra da RTVE e a Banda Sinfónica de Barcelona.   Traballa con compañías de teatro musical en España, Holanda e Suíza; é colaborador habitual do Asko|Schönberg ensemble, a Royal Concertgebouw Orchestra, a Orquestra Sinfónica de Galicia e a Bilbao Orkestra Sinfonikoa, entre outras agrupacións; e forma parte tamén de Mbira- duo.    En 2018 formou parte do tribunal do Eurovision Young Musicians Competition 2018 e é profesor de percusión do Conservatorio Superior das Illas Baleares e o Conservatorio Superior de Música de Castela e León. Así mesmo, realiza clases maxistrais por toda España. Noè é un percusionista comprometido coa música de nova creación e estreou obras en España e no estranxeiro.   Entre os seus próximos compromisos podemos destacar concertos como solista coa Banda Sinfónica da Coruña e recitais no Festival Printemps deas Arts en MonteCarlo.

+ Información