A partir de fotografías de diversas artistas galegas, neste obradoiro de escrita fotográfica traballarase a creación de relato curto e tamén de textos poéticos.

A través de diversas dinámicas de escrita desbloquearemos a creatividade!

Sobre Nuria Vil

Nuria Vilán Prado, máis coñecida como Nuria Vil, é unha filóloga e poeta galega.

Ela mesma defínese como "resitadora". Está presente no circuíto de poesía galega oral e ten publicado o seu primeiro poemario "Simún" na editorial Chan da Pólvora (2021).

Nuria Vil entende a poesía como unha ferramenta que potencia  cambio social. Quizais é por este motivo que na súa escrita fala da violencia, da maxia do cotiá, da vinganza e de reconstruír o desexo.