O 25 de Novembro é o Día Internacional da Eliminación da Violencia contra a Muller. 

A violencia contra mulleres e nenas é unha das violacións dos dereitos humanos máis estendidas, persistentes e devastadoras do mundo actual sobre as que apenas se informa debido á impunidade da cal gozan os perpetradores, e o silencio, a estigmatización e a vergoña que sofren as vítimas.

A violencia contra a muller segue sendo un obstáculo para alcanzar igualdade, desenvolvemento, paz, do mesmo xeito que o respecto dos dereitos humanos de mulleres e nenas. O que é máis, a promesa dos Obxectivos de Desenvolvemento Sostible (ODS) de non deixar que ninguén quede atrás, non poderá cumprirse sen primeiro poñer fin á violencia contra mulleres e nenas.

Dentro do seu obxectivo e compromiso de contribuír a reforzar os colectivos máis vulnerables, para compensar os desequilibrios sociais a Biblioteca Fórum Metropolitano  levará a cabo, con motivo do 25 N, a realización dun taller de prevención do acoso na rúa.  

O obradoiro "Planta cara ao acoso na rúa" está enmarcado no Programa StandUp e será impartido a cargo da Fundación Mulleres. Daranse a coñecer un conxunto de ferramentas demostradas que axudan á xente para intervir de maneira segura cando son vítimas ou presencian situacións de acoso en espazos públicos. O obxectivo é formar á poboación para que o denuncien e así construír unha cultura na que o acoso de rúa sexa visto como un comportamento inaceptable.

A Biblioteca porase en contacto coas persoas inscritas para facilitarlles o acceso á plataforma para asistir ao obradoiro.