Axúdame a sentir dicíame Obdulia con frecuencia, a miña avoa materna. Foi unha de tantas catedráticas sen título nesa soada universidade da vida. Nada hai máis necesario que sentir e tampouco hai momento máis apropiado para perseguir ese verbo que os tempos nos que vivimos: as humanidades difumínanse á vez que crece o binomio virtual-máquina. As artes, en xeral, atenderon historicamente a nosa necesidade de sentir. Ese lugar sen algoritmos é unha casa que debemos visitar tantas veces como nos sexa posible. Celebrar a non virtualidade, abrazarnos, escoitar, beber, bailar, sentir, escribir, debuxar, cantar, soñar...

A nosa casa é un torreiro e tamén a platea dun teatro ou as mesas dunha baiuca. O que ocorre nun concerto é algo único e irrepetible: extínguese ao pechar o pano, máis á súa vez, é unha chama que prende e segue quentando o noso peito durante moito tempo. Ás veces acompáñannos toda unha vida.

VENDA DE LOCALIDADES

• Venda en liña: ataquilla.com
• Venda no despacho de billetes do Teatro Colón: unicamente o día do concerto desde 2 h antes do inicio do concerto (só se quedan entradas dispoñibles)
• Venda no despacho de billetes central de praza de Ourense: de luns a venres (excepto festivos) de 11.00 a 15.00 h e de 16.30 a 19.30 h