Os crecentes datos alertan sobre o uso inadecuado das TIC (tecnoloxías da información e a comunicación) e as súas consecuencias, de maneira especial entre os/as menores, que constatan a existencia habitual de situacións que poden poñer en perigo a privacidade do/a menor, ben sexa de maneira voluntaria (propio menor difunde datos persoais) ou maneira involuntaria (terceira persoa difunde datos ou imaxes persoais do/a menor). Fenómenos frecuentes como o uso excesivo das TIC, o acceso a contidos inadecuados, a cesión de datos persoais, a suplantación de identidade, o ciberbullying, sexting, grooming,… están asociados a un uso inadecuado das novas tecnoloxías ben por descoñecemento ou ben por supervisión insuficiente, por iso é necesario establecer estratexias tanto de tipo preventivo como asistencial que aborden as súas consecuencias.