Tras a triste noticia de Velicky e os policías nacionais, o corpo de bombeiros toma a decisión de crear un grupo de rescate acuático operativo. Esta intervención podemos considerala como a primeira deste grupo (GRA).

Recibimos unha chamada da Torre de Control Marítimo que teñen constancia dun veleiro a pique na zona do Aquarium. Inmediatamente desprázase persoal do grupo. Tras analizar a situación, e ver a cantidade de utensilios e cabos que hai ao redor do barco, deciden mergullarse para ver a posibilidade de vida das persoas accidentadas. Só lles serviu para constatar a morte do único tripulante que ía a bordo.