Á nosa chegada había momento de pánico, xa que as chamas impedían a saída da veciñanza á rúa. Os labores de extinción prolongáronse durante máis de catro horas e media.

Unha persoa tivo que ser trasladada ao Hospital da Coruña por intoxicación e tres máis foron atendidas no punto. Antes da nosa chegada, varios mozos auxiliaron un neno, que estaba acompañado da súa nai, e con problemas para saír do inmoble. A nai foi rescatada posteriormente. En total, foron desaloxadas cinco persoas. A persoa que tivo que ser hospitalizada encontrábase estable no momento de finalizar o traballo.

Todo apunta a que o lume se orixinou no cadro eléctrico do edificio. O inmoble non presentaba danos estruturais de importancia. A veciñanza do inmoble tivo que ser reacollida.