Unha dotación desprazouse de inmediato ao lugar. Tras facer unha primeira valoración e observar que só se vía unha gran fumareda, decídese elevar a autoescaleira e coa axuda dunha cámara térmica, ver onde pode estar o punto crítico. Obsérvase que o lume estase propagando por debaixo da cuberta e procédese a acoutalo para que non afecte as naves lindeiras. Á súa vez, 2 equipos atacan polos laterais, intentando abrirse paso por encima do cereal. Non se tarda en chegar ao punto exacto do incendio, pero a forte radiación de calor fixo que prendese no cereal, o que complicou a extinción. Finalmente regrésase ao parque cos primeiros raios do día.