O simulacro consistiría en ir activando os plans de emerxencia segundo correspondese para comprobar a coordinación de todos os equipos implicados. Así pois, despois dunha chamada ameazante e activando o protocolo do Plan de Protección do porto da Coruña e o Plan de Autoprotección de Bioetanol Galicia, ir aumentando os devanditos plans, con diferentes supostos relacionados, no que se incluía a deflagración dun vagón da composición ferroviaria. Elevouse pois a Emerxencia Xeral, o que leva a activación do Plan de Autoprotección do Porto Interior e a reactivación do Plan de Autoprotección de Bioetanol Galicia, así como a declaración da fase de alerta do Plan Interior Marítimo.