Achégate a coñecer o proxecto A Coruña Literaria, que pon en valor todo o patrimonio literario da nosa cidade. Todo o que A Coruña ten feito arredor do libro e a lectura ao longo dos séculos.

Durante o evento tamén gozarás dunha representación teatral a cargo do Club de Teatro María Casares, que dará vida á curiosa historia da suscrición popular que se publicou no século XIX para conseguir cartos e editar "Follas Novas" de Rosalía de Castro. O que hoxe chamaríamos o primeiro "crowdfunding" da historia converterase nunha emocionante escena teatral.

A Coruña Literaria é un proxecto da Agrupación Cultural Alexandre Bóveda que traballa para recuperar e poñer luz sobre a nosa memoria literaria.