En que consiste o club de teatro lido?

O club de teatro é un grupo de persoas que se reúne semanalmente na biblioteca Sagrada Familia para traballar arredor do mundo teatral. Ao longo da hora e media que dura cada sesión, o grupo aprende e practica técnicas de teatro, fundamentalmente teatro lido ou teatro radiofónico, pero tamén de expresión corporal. O resultado final do traballo do curso será unha montaxe audiovisual nun formato adaptado para a súa distribución nas redes.

Todo o proceso desenvólvese nun ambiente lúdico, primando sobre todo a diversión e adaptando o traballo ao nivel e gustos de cada persoa participante.