Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Imposto sobre Bens Inmobles

O Imposto sobre Bens Inmobles (IBI) é un tributo municipal que grava o valor dos bens inmobles nos termos previstos no texto refundido da Lei de facendas locais e na Ordenanza fiscal n.º 51, reguladora do IBI.

Diferéncianse tres tipos de bens inmobles para os efectos deste imposto: rústicos, urbanos e inmobles de características especiais (BICE).

Feito impoñible:

O feito impoñible deste imposto constitúeo a titularidade dos seguintes dereitos sobre os inmobles, por orde de preferencia:

  • Titular dun dereito de concesión administrativa.
  • Titular dun dereito real de superficie.
  • Titular dun dereito real de usufruto.
  • Titular do dereito de propiedade.

Tarifas do imposto:

Os tipos de gravame previstos no artigo 2 da Ordenanza fiscal n.º 51 son:

  • Bens inmobles de natureza urbana: 0,6%
  • Bens inmobles de natureza rústica: 0,6%
  • Bens inmobles de características especiais:
    • 1,3 % para os destinados á produción de enerxía eléctrica e gas e ao refino de petróleo, e as centrais nucleares
    • 0,6 % para as presas, saltos de auga e encoros
    • 1,3 % para as autoestradas, estradas e túneles
    • 1,3 % para os aeroportos
  • Establécense tipos diferenciados para os inmobles de natureza urbana, excluídos os de uso residencial, que superen, atendendo aos usos establecidos na normativa catastral para a valoración das construcións, o valor catastral que para cada un dos usos se recolle no seguinte cadro:

CÓDIGO - USO

VALOR CATASTRAL

TIPO DE GRAVAME

A - Almacén /estacionamento

Igual ou superior a 400.000. €

0,8%

C - Comercial

Igual ou superior a 600.000. €

0,8%

G - Lecer e hostalaría

Igual ou superior a 1.000.000. €

0,8%

En todo caso, os tipos de gravame diferenciados a que se refire este apartado só poderán aplicarse, como máximo, ao 10 por cento dos inmobles do termo municipal que, para cada uso, teñan maior valor catastral.

Beneficios fiscais:

Exencións

As principais exencións do imposto son as seguintes:

  • Están exentos os recibos de inmobles urbanos cuxa cota líquida non supere o importe de 6 euros, así como os inmobles rústicos cuxas cotas agrupadas relativas a un mesmo suxeito pasivo non supere o importe de 12 euros.
  • Exención para as entidades sen fins lucrativos e de incentivos fiscais ao mecenado recollidas no art. 2 da Lei 49/2002.
  • Os centros docentes concertados, art. 62.2 a) TRLRHL.
  • Os bens históricos, art. 62.2 b) TRLRHL.

Bonificacións

As principais bonificacións son as seguintes:

  • Inmobles obxecto da actividade de empresas urbanizadoras, 50% durante un período máximo de 3 anos, art. 5.1 OF nº 51
  • Vivendas de Protección Oficial, 50% durante un período máximo de 7 anos desde a cualificación definitiva, art. 5.2 OF nº 51.
  • Bens rústicos de cooperativas agrarias, 95%, art. 5.3 OF nº 51.
  • Familias numerosas, entre o 20% e o 90%, debe ser solicitada anualmente antes do 31 de decembro para a súa aplicación no seguinte exercicio, art. 5.4 OF nº 51.
  • Bens inmobles de ensino universitario, 95%, art. 5.5 OF nº 51.
  • Bens históricos afectos a explotacións económicas, 95%, art. 5.6 OF nº 51.
  • BICE onde se desenvolvan actividades relacionadas co sector pesqueiro, explotación de parques e recintos feirais ou actividades naúticas debe ser solicitada anualmente antes do 31 de decembro, 50%, art. 5.8 OF nº 51.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión