O Servizo de Normalización Lingüística do Concello da Coruña organizou na primeira metade do ano unha boa chea de actividades para todos os públicos.

1. Programa Apego 

https://www.coruna.gal/lingua/gl/dinamizacion/apego

Normalización Lingüística do Concello da Coruña organizou, de marzo a maio, as seguintes actividades para familias con crianzas de 0 a 6 anos no Centro Ágora:

• "A libraría máxica", de Inventi Teatro (auditorio)  (3-6 anos), teatro cunha homenaxe ao pequeno comercio e ás tendas de barrio e ao amor pola literatura e a lingua galega.

•   "Fíos do querer", de Cé Orquestra Pantasma  (0-3 anos), espectáculo baseado no libro do mesmo título, con cancións e xogos con axóuxeres.

• "Contos de igualdade (para non perder)", de Ángeles Goás  (4-6 anos), narración oral para a primeira infancia con mulleres protagonistas activas, fortes e intelixentes.

• "Arrolar", da Fundación Legar  (0-1 anos), obradoiro de cantigas de berce con instrumentos de raíz. 

•   "Chimpo de ra", de Raquel Queizás  (1-3 anos), contos con monicreques sobre a temática dos celos nas crianzas. 

•   "O gaiteiro verde", da Fundación Legar  (5-6 anos), obradoiro de música e instrumentos tradicionais e artesáns realizados coa materia prima máis elemental.

•   "As máis molonas", de Pakolas  (3-6 anos), nova montaxe de espectáculo musical do autor polas súas cancións máis aclamadas.

• "Lúa triangular, nada é imposible", de Jara Ortiz  (3-6 anos), contacontos musical dende a perspectiva de xénero.

• "Leo e a música", de Trémola Teatro  (6 meses-3 anos), espectáculo sensorial de contos, monicreques e música.

• "Xela, a superheroína de aldea", de Inma Soto (3-6 anos), conto teatralizado no que descubrimos a natureza e os animais que nos rodean. 

• "Dende Rosalía ata as cantareiras", da Xanela do Maxín  (3-6 anos), narración oral, música, obxectos e novas tecnoloxías para exaltar a herdanza de todas as mulleres homenaxeadas no Día das Letras Galegas.

2. AgoraSón  

• Xosé Lois Romero e Aliboria no AgoraSón da primavera 2025  en concerto para público adulto, co gallo do Día das Letras Galegas e para promover a lectura en lingua galega e o préstamo de material audiovisual, a través das bibliotecas municipais 

3. A Coruña das Letras 

• A Coruña das letras (e das músicas): andainas guiadas por Xurxo Souto pola Coruña máis descoñecida  especialmente polos lugares relacionados coas cantareiras ás que se lles dedica este ano o Día das Letras Galegas. Historia da cidade, literatura e a importancia da lingua nas letras do cancioneiro popular. Para maiores de 16 anos.