ENTRADAS ESGOTADAS. Se ao comezar quedan asentos baleiros, poderase acceder por orde.

Contan que só hai 4 estacións: primavera, verán, outono e inverno. Pero é mentira. Hai unha máis e chámase Estación Nadal. É a máis divertida do ano, porque é tempo de agasallos pero tamén de cancións e de vacacións e de galdrumadas e de... en fin, de todas as cousas boas que ten a vida. Mamá Cabra cántalle á Estación Nadal con 'Xa me tardan estes magos', co 'Apalpador', con 'Panxoliñas' e co 'Rock do bacallau con coliflor', pezas recollidas nos dous álbums-CD editados na colección Sonárbore da Editorial Galaxia: 'Estación nadal' e 'Xa me tardan estes magos'; as duas publicacións de Mamá Cabra arredor do Nadal e todo o que nel celebramos.

A actividade desenvolverase no Palco da Música dos xardíns de Méndez Núñez e haberá dúas sesións: ás 17.00 e ás 18.30 h.

Organiza Normalización Lingüística do Concello da Coruña dentro do programa Apego.

REQUISITOS POLA SITUACIÓN SANITARIA:

• Non poderán acceder ao evento aquelas persoas con síntomas compatibles coa COVID-19, aquelas diagnosticadas coa enfermidade e que non finalizasen o período de illamento ou as persoas que estean en período de corentena domiciliaria por teren contacto estreito con algunha persoa con síntomas ou diagnosticada de COVID-19.
• Manterase correctamente posta a máscara dende que se entra no centro ata que se sae. É obrigatoria dende os 6 anos. 
• Aplicarase solución hidroalcohólica nas mans ao entrar e ao saír do recinto.
• Seguiranse as instrucións do persoal organizador.