A compañía Polo correo do vento tráenos a historia de Mario, un neno que coñecía outros idiomas pero que non lle vía utilidade á súa lingua nai. Narración, ilustración e música para un espectáculo no que o coñecemento do galego será clave para dar cun tesouro. Aventuras para rematar cun obradoiro de debuxo.

A actividade desenvolverase na aula 8 do Centro Ágora e haberá dous pases: ás 17.00 e ás 18.30 horas. Por mor das restricións pola situación sanitaria a cada pase só poderán asistir 15 familias (crianza + persoa adulta).

Organiza Normalización Lingüística do Concello da Coruña dentro do programa Apego.

REQUISITOS POLA SITUACIÓN SANITARIA:

• Non poderán acceder ao evento aquelas persoas con síntomas compatibles coa COVID-19, aquelas diagnosticadas coa enfermidade e que non finalizasen o período de illamento ou as persoas que estean en período de corentena domiciliaria por teren contacto estreito con algunha persoa con síntomas ou diagnosticada de COVID-19.
• Asistirá á actividade a crianza inscrita cunha persoa adulta responsable.
• Manterase correctamente posta a máscara dende que se entra no centro ata que se sae. É obrigatoria dende os 6 anos. 
• Evitaranse aglomeracións e accederase ás aulas de xeito ordenado e gardando a distancia de seguridade.
• Aplicarase solución hidroalcohólica nas mans ao entrar e ao saír do recinto.
• Seguiranse as instrucións do persoal organizador.