A Coruña das Letras é a actividade nova organizada por Normalización Lingüística do Concello da Coruña na primavera e que retomamos nos meses de setembro e outubro, dentro do programa de fomento da lingua galega entre a poboación en xeral.

Co fin de traballarmos a lingua, a cultura e a literatura galegas na nosa cidade, e achegándonos a distintos barrios, realizaremos unhas andainas guiadas pola Coruña máis invisible da man do coñecido músico e escritor Xurxo Souto (sobre todo pola súa etapa no mítico grupo coruñés Os Diplomáticos de Monte Alto). 

Aprenderemos máis da toponimia tradicional da cidade, da literatura que habitou nos diferentes barrios que visitaremos e tamén da importancia da lingua nos seus diferentes contextos.

O calendario será o seguinte:

- sábado 16 de setembro, ás 11.30 h (inscrición dende o luns 11)

"As pedras da Torre. A ruta do sabio percebeiro Milucho Mariñas" 

- sábado 7 de outubro, ás 11.30 h (inscrición dende o luns 2)

"Os maios dos Mallos"

- sábado 14 de outubro, ás 11.30 h (inscrición dende o luns 9)

"Os Castros, onde nace o sol da Coruña"

INFORMACIÓN XERAL QUE CÓMPRE TER EN CONTA:

- As inscricións faranse exclusivamente a través do correo inscricionslingua@coruna.gal dende o luns anterior a cada unha das andainas, ata que se esgoten as prazas (55).

- A duración é de aproximadamente unha hora e media. O lugar de saída para comezar a andaina comunicarase no correo de confirmación da inscrición.

- A actividade diríxese a maiores de 16 anos.