O Concello da Coruña, a través do Servizo de Normalización Lingüística, está adherido á Rede de Dinamización da Lingua, da Xunta de Galicia. 

A través da Secretaría Xeral da Lingua, no Concello da Coruña organizaranse no outono tres cursos de achegamento á lingua galega, co fin de favorecer un maior emprego do noso idioma propio e poñer en valor as accións para prestixiar e atraer a xente cara ao galego, especialmente as dirixidas ao alto número de persoas provenientes do exterior.

Neste outono realizaranse tres cursos, un en outubro polas mañás e outros dous en novembro polas tardes. Son gratuítos.

• Curso de introdución á lingua e á cultura galegas do 13 ao 24 de outubro (de luns a venres)

1. HORARIO: pola mañá, das 10.00 ás 12.00 horas
2. ONDE: Centro Cívico Sagrada Familia
3. INSCRICIÓN: a través do correo electrónico inscricionslingua@coruna.gal 
4. Datos necesarios: nome e apelidos, teléfono, nacionalidade e número de pasaporte/DNI/NIE 

• Curso de introdución á lingua e á cultura galegas do 3 ao 14 de novembro (de luns a venres)

1. HORARIO: pola tarde, das 17.00 ás 19.00 horas
2. ONDE: Centro Sociocultural Ágora
3. INSCRICIÓN: a través do correo electrónico inscricionslingua@coruna.gal 
4. Datos necesarios: nome e apelidos, teléfono, nacionalidade e número de pasaporte/DNI/NIE 

• Curso de introdución á lingua e á cultura galegas do 3 ao 14 de novembro (de luns a venres)

1. HORARIO: pola tarde, das 19.00 ás 21.00 horas
2. ONDE: Centro Sociocultural Ágora
3. INSCRICIÓN: a través do correo electrónico inscricionslingua@coruna.gal 
4. Datos necesarios: nome e apelidos, teléfono, nacionalidade e número de pasaporte/DNI/NIE 

Os cursos realizaranse en modalidade presencial e terán unha duración de 20 horas, tras as que se entregará un diploma que emite a propia Xunta de Galicia. 

O alumnado contará con material didáctico. 

O prazo de inscrición manterase aberto ata que se cubran as prazas por orde de solicitude (15 en outubro e 20 en novembro).