Familias apegueiras, por fin poderemos compartir un anaquiño ao aire libre, sobre o céspede central do Parque Europa e coa música e as historias revoando ao noso arredor.

O xoves 9 de setembro poderemos xuntármonos de novo para compartir as actuación de Golfiños (ás 17.00 h) e de Trotaventos (ás 19.00 h).

As entradas estarán dispoñibles na web https://reservas.gal dende as 10.00 h do martes 7 e todas as persoas que se acheguen deberán ter a súa, tanto crianzas como adultas. 

Os espectáculos están recomendados para as idades do noso Programa Apego, de 0 a 6 e podedes vir con quen queirades, sempre con entrada e cumprindo con todos os protocolos de seguridade anti-COVID.

De formato familiar, poderemos gozar de ambos os espectáculos en formato concerto que conformarán o evento no Parque Europa: Golfiños, con "O soño dos golfiños" (17.00 h) para as nenas e nenos máis pequenas/os e Trotamundos con "A fiestra dos soños" para as nenas e nenos maiores.

Golfiños, con "O soño dos golfiños", achega melodías moi diversas ás familias para que desfruten das pequenas cousas e sorrían cantando na procura dos seus soños e superen as dificultades que se lles presentan coa axuda do xogo, das adiviñas e da música.

Trotamundos, con "A fiestra dos soños" baséase nun libro de poemas ilustrados e musicados editado por Galaxia e dirixidos principalmente ao público infantil e familiar. No concerto representaranse eses poemas, con ritmos diversos, facendo fincapé na natureza, no medio ambiente e na diversidade cultural.

​Xa tarda que chegue a tarde do xoves e poidamos vernos!

https://i.gal/5prbR

https://i.gal/y3H4R