Na Coruña témoslle Apego á lingua!!

Seguimos coas nosas actividades presenciais no Centro Ágora para familias con nenas e nenos!

Velaquí a programación para os meses de setembro, outubro, novembro e decembro de 2026:

• "Festa de letras", de Iria Pinheiro  (3-6 anos) 

Martes 29 de setembro, dous pases: 17.00 e 18.30 h (35 min)

Inscrición: a partir do venres 25 de setembro, ás 10.00 h

Iria Pinheiro presenta esta festa literaria para as/os máis peques, na que se entrelazan fantásticas historias cheas de sorpresas.  

• "Garavanciña", de Migallas Teatro  (1-3 anos) 

Martes 6 de outubro, dous pases: 17.00 e 18.30 h (40 min)

Inscrición: a partir do venres 2 de outubro, ás 10.00 h

Bea Campos fará saír da casa a Garavanciña por vez primeira. Que atopará nesta primeira saída? Contos clásicos reinterpretados cimentan esta historia que busca a deconstrución dos estereotipos de xénero.

• "Contos na pel", de Alma Blanco  (18 meses-2 anos) 

Martes 13 de outubro, dous pases: 17.00 e 18.30 h (45 min)

Inscrición: a partir do venres 9 de outubro, ás 10.00 h 

Experiencia de narración en galego que utiliza o corpo como escenario do relato, onde corpo e voz fortalecen o vínculo coas crianzas e converte a lingua nunha experiencia vivida.

• "C@nto contigo", de Paco Nogueiras  (3-6 anos) 

Martes 20 de outubro, dous pases: 17.00 e 18.30 h (55 min)

Inscrición: a partir do venres 16 de outubro, ás 10.00 h 

Paco Nogueiras trae este espectáculo de grandes éxitos dos seus traballos anteriores: Brinca Vai!, Radio Bulebule e Extra! Preparádevos para non parar de bailar e cantar a ritmo das fusións musicais máis inesperadas!

• "Monstros acústicos", de Chuches Amil  (3-6 anos) 

Martes 27 de outubro, dous pases: 17.00 e 18.30 h (40 min)

Inscrición: a partir do venres 23 de outubro, ás 10.00 h 

Cun rock suave, Chuches Amil presentará os seus monstros non tan monstruosos para falarnos da empatía, do espazo persoal, do diferente, do consentimento, da confianza e da alegría de ser distinto.

• "A viaxe de Nano", de Raquel Queizás  (1-3 anos) 

Martes 3 de novembro, dous pases: 17.00 e 18.30 h (35 min)

Inscrición: a partir do venres 30 de outubro, ás 10.00 h

Nano é unha pequena ra aventureira que non para de aprender... Mais un día aparece un paxaro vermello, pequeno coma el... Que pasará? Narración oral con eixes centrais como a aprendizaxe, o acto de compartir coas demais persoas e a importancia de resolver os conflitos dun xeito natural.

• "Obradoiro de chapas e tatuaxes", con Eduvía  (4-6 anos) 

Martes 10 de novembro, dous pases: 17.00 e 18.30 h (80 min)

Inscrición: a partir do venres 6 de novembro, ás 10.00 h

Nestes obradoiros impartidos polo experimentado equipo de Eduvía, aprenderemos a realizar as nosas propias chapas cheas de lingua, ademais de tatuaxes temporais cheas de cor.