Pero os mercados coruñeses non só se distinguen pola excelencia da súa oferta alimentaria. Nas súas instalacións conviven tamén outros servizos que dan resposta ás necesidades do día a día: tendas de lambetadas, artigos de uso diario, reparación de calzado, florerías, cafeterías onde facer unha pausa ou comezar a mañá cun bo café... Todo iso nun ambiente próximo, coa atención personalizada de profesionais de confianza que coñecen a súa clientela de toda a vida.

Dende os históricos mercados do centro ata os máis modernos nos barrios, cada praza de abastos ten o seu carácter propio, a súa historia e a súa comunidade. Este percorrido polos mercados da Coruña é unha invitación para descubrilos un a un, a gozar dos seus sabores, o seu trato próximo e o valor do auténtico. O valor do noso!