Os seres humanos chegamos ao mundo con recursos comunicativos innatos: a mirada, a complicidade, o diálogo coa nai, a relación co entorno e cos obxectos, a percepción da luz, da auga, do movemento. O espectáculo Río de Luna recrea este proceso, comparándoo coa vida dun río: o nacemento, o gateo, os primeiros pasos e a descuberta da vida.

Dous bailaríns exploran texturas e formas a través do xogo e da imaxinación, convertendo obxectos sinxelos en historias marabillosas. A clave está en captar a atención dun público tan especial como son os bebés, seguindo os seus propios ritmos evolutivos.

As novas tecnoloxías permiten usar cor e luz dun xeito innovador, enriquecendo a experiencia. O espectáculo preséntase en secuencias con movementos suaves, empregando obxectos como unha caixa de música, un mar de plástico ou unha esfera con auga e luz, transformados en elementos fantásticos. Todo flúe coma un río, mentres a lúa observa.

Entradas

• Entrada xeral: 6,00 €

• Abono familiar (3 entradas para a mesma función): 15,00 €- Dispoñible únicamente nos despachos de venda física.

• Menores de 3 anos: 2,00 €

Venda de billetes

• Online: www.ataquilla.com

• Despacho de billetes da Praza de Ourense (agás festivos): Luns a venres 11:00 - 15:00 h e 16:30 - 19:30 h.

• Despacho de billetes do Ágora: desde 1 hora antes do comezo da función (se quedan entradas dispoñibles).

• Pagamentos: tarxeta de débito/crédito (agás American Express).

Máis información: www.coruna.gal/cultura