11 de junio de 2019
Dende as 07.00 horas do 7 de xuño até as 07.00 horas do 11 de xuño do 2019
CONTROL DE DROGAS E ALCOHOLEMIA
- Ao longo da semana do 3 ao 6 de xuño, a unidade de tráfico da Policía Local participou na Campaña para vixilancia e control de alcoholemia e outras drogas promovida pola Dirección Xeral de Tráfico e obtivéronse os seguintes resultados:
- Dispositivos de controis de alcoholemia e drogas realizados: 21
- Probas de alcoholemia e drogas realizadas: 101 (94 probas negativas e 7 positivas)
- Probas de alcoholemia desagregadas:
Número probas positivas: 4
Infracción administrativa (taxa 0,25-0,60 mg./l): 2
Infracción penal (influencia ou taxa superior a 0,60 mg./ l): 2
- Probas de drogas mediante drogotest desagregadas:
Número probas positivas: 3
Infracción administrativa: 3
Substancias:
- Cocaína: 1
- THC (cannabis): 2
CONTROL DE NORMAS DE CONVIVENCIA
- A noite do 9 ao 10 de xuño, o dispositivo de reforzo nas zonas de lecer nocturno identificou e denunciou a cinco persoas na zona centro por ouriñar en vía pública. Estas persoas foron denunciadas, o que pode supoñer unha sanción de ata 300 euros por infrinxir a ordenanza municipal de limpeza.
FALECIDO EN VÍA PÚBLICA
- Ás 05.30 horas do 9 de xuño, varias patrullas achegáronse á contorna da glorieta do Pavo Real onde, segundo unha chamada, unha persoa estaba a sufrir unha parada cardiorrespiratoria. Ao tempo acudiu unha ambulancia do 061, cuxos sanitarios tentaron reanimar ao paciente, un home de 33 anos, durante varios minutos con resultado negativo. O seu acompañante, un home de 32 anos, relatou que cando se dirixía co seu amigo a coller un taxi, o falecido indicoulle que se atopaba mal e esvaneceuse case ao instante, polo que chamou ao 061 e á Policía Local para pedir auxilio.
COMISO POR VENDA AMBULANTE NA VÍA PÚBLICA
- Ás 12.00 horas do 9 de xuño, a Patrulla Verde da Policía Local comisionou dous canarios a un vendedor ambulante na rúa Barcelona. Seguindo unha denuncia cidadá, realizada a través da sala do 092, unha dotación non uniformada observou como o posuidor das aves, que estaban nunha gaiola cun cartel coa lenda "véndense canarios", ofreceu os animais a varios transeúntes. Este home, de 73 anos, foi denunciado por exercer a venda de animais na vía pública.
CONTROIS PREVENTIVO DISUASORIO DE SEGURIDADE VIARIA
- Ás 17.25 horas do 10 de xuño, unha dotación policial deu o alto a un vehículo que circulaba pola avenida de Oza e comprobou que o seu condutor, un home de 18 anos, non obtivera nunca o permiso de condución, polo que se lle tramitaron dilixencias ao xulgado de garda por un delito contra a seguridade viaria. Do vehículo, da marca e modelo BMW 330 CI, fíxose cargo un condutor alternativo habilitado legalmente con permiso de condución.
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible