Licenciado en filoloxía clásica, foi a través do programa radiofónico A Tropa da Tralla (Radio Coruña), que dirixiu entre os anos 1995/2005, onde descubriu e divulgou moitos aspectos da cultura popular da cidade até o momento pouco tratados nos medios. Estes contidos son argumento dos seus libros Contos da Coruña e Contos do Mar de Irlanda, nos que presta atención especial a cuestións vinculadas coa memoria e o mar como a talasonimia.