A fase da investigación, situada entre novembro de 2017 e marzo de 2018, comprende as seguintes tarefas:

• Analizar a documentación legal e urbanística existente en relación coa cidade e en especial co porto interior da Coruña.
• Recoñecer a realidade dos terreos portuarios e a súa relación coa cidade, tanto na súa transformación histórica coma na actualidade.
• Traballar con axentes implicados tanto directamente no porto coma noutros ámbitos que se precisan coñecer para deseñar unha estratexia de cidade en relación ao bordo litoral.
• Entender como outras cidades do mundo emprenderon a súa transformación portuaria e analizar solucións que poidan ser inspiradoras para o caso coruñés.

O resultado destes traballos será compartido coa cidadanía e debatido no Foro Tecendo Litoral, e toda a documentación xerada poderá consultarse nesta web ao remate do proceso.