O venres 19 de decembro terá lugar na Biblioteca Ágora a presentación de "Ecos de nostalgia", o primeiro libro da autora galega Iria Mercedes Torrado Muñiz.

Nesta obra, a escritora novel comparte relatos íntimos e poéticos que invitan a sandar e a recordar que, incluso na escuridade pode brotar a luz. En palabras da propia Iria Muñiz, este libro é a súa viaxe e desexa convidar ao público a percorrelo con ela.

O encontro, que dará comezo ás 19.30 horas, desenvolverase na sala de adultos da Biblioteca.