Os amantes da música teñen unha visita obrigada á cidade este verán. Grandes eventos musicais coma o Morriña Fest, o Coruña Sounds, o +Q Jazz, o Atlantic Pride ou o festival Wake up and Dream sitúan a cidade como un referente a nivel cultural e musical en toda España.

Contamos cunha axenda musical para todos os ouvidos na que teñen cabida o pop nacional e internacional, a música electrónica, o jazz máis selecto a nivel internacional, e outras propostas en grao sumo diverso, para que sexan cales sexan os teus gustos, poidas gozar da música na Coruña.

Proximamente, o Morriña celebrará a súa segunda edición no Peirao de Batería cun cartel no que destacan voces coma a de Aitana ou a do británico Louis Tomlinson.

O cartel complétano artistas como Editors, Yandel, Dorian, Lola Índigo, Sen Senra, La La Love You ou Dani Fernández. Sen dúbida, serán dous días emocionantes nos que a cidade acollerá a milleiros de persoas dispostas a degustar a mellor música co Atlántico aos seus pés.

A cidade tamén conta co programa Coruña Sounds, o gran ciclo de concertos que ten lugar durante o verán e reúne a artistas de gran prestixio do panorama nacional e internacional.

A proposta musical do Coruña Sounds converteu a cidade en escenario para artistas internacionais coma Emilia, Camilo, Luis Miguel ou Chris Isaak.

O mes de agosto tamén será un mes cargado de programación coas Festas de María Pita, o Noroeste Estrella Galicia e citas culturais tan relevantes coma o Viñetas do Atlántico, co mellor do cómic.

A música soará durante as 'Noites de María Pita ', que contará con concertos para todas as idades como Kate Ryan, Mocedades e Los Panchos, Omar Montes ou Rock en Familia, que achegará a música aos máis pequenos e pequenas da casa.

O Festival Noroeste Estrella Galicia, terá lugar do 7 ao 10 de agosto e contará con concertos en diferentes localizacións entre os que destacan Xoel López, ou o grupo Vetusta Morla, que fará unha parada na cidade herculina na que será a súa última xira antes de facer unha pausa nos escenarios.

Hai un mes perfecto para gozar da música na Coruña, e ese é xullo. Grandes eventos musicais como o Morriña Fest, o Coruña Sounds, o Atlantic Pride ou o festival Wake up and Dream sitúan a cidade como un referente a nivel cultural e musical en toda España.

Pero dende o 16 de xullo tamén haberá outra gran protagonista: a gastronomía. A través da iniciativa 'A Coruña, que bonito!', todas as persoas que visiten a cidade poderán degustar o bonito, un auténtico manxar do atlántico, en diferentes restaurantes da localidade ata o 18 de agosto.

Non perdas ningún plan coa nosa guía!