Este carácter aberto, accesible e sostible do edificio combina moi ben co modelo de equipamento cívico, social e cultural, coas funcións e tamén cos valores fundacionais que lle dan sentido ao Centro Ágora .

Converteuse nun referente arquitectónico na cidade e un espazo para o goce de todas e todos, xa que conta con auditorio, biblioteca, salas de uso común e actividades recreativas.

Recomendámosche visitalo se che gusta saír das zonas típicas para coñecer, xa que non está no centro da cidade.

Como unha onda conxelada de aceiro, vidro e mármore, o edificio elévase a unha altura de seis pisos. É  impresionante chegar ata o máis alto do edifico nos seus ascensores de cristal.

Grimshaw quixo facer outra chiscadela á tradición comunicando dúas rúas (e dous mares) a través da planta baixa do edificio, o Cantón Grande e a Estrela, comezo da zona de viños.

Un edificio cheo de personalidade e de luz, que acolle exposicións, conferencias, concertos, ciclos de cinema e outros eventos de interese.

O exterior evoca un gran hórreo con celosías de vidro, conectando así coa contorna no que se sitúa, o Casco Antigo.

O museo circunda un gran patio central, iluminado por un lucernario,  arredor do que se distribúen as salas de exposición. Dispón de 6 salas de exposición permanente e dúas salas para albergar exposicións temporais. Foi galardoado co Premio Nacional de Arquitectura en 1997.

Levántase sobre un macizo rochoso fronte á baía de Orzán. A súa singular fachada, que se asemella a unha gran vela inflada polo vento, está cuberta con laxas de lousa. Fronte a ela, unha grande escalinata funciona como balcón e miradoiro ao mar.

A súa fachada traseira aseméllase a unha pantalla, e encaixa así cos edificios circundantes.

O museo divídese en dúas partes que se definen a través dunha claraboia. Nestes espazos distribúense as salas de exhibición, cinema 3D e un laboratorio aberto.

Desde o interior, catro grandes ventás permiten gozar dunhas vistas privilexiadas ao mar.