A Coruña, CidadEclipse
- Inicio
- Actualidade
- A Coruña, CidadEclipse
A Coruña, CidadEclipse
O concello ofrece unha ampla programación vinculada coa eclipse total de sol do 12 de agosto de 2026
A Coruña será un dos mellores lugares de Europa para gozar da eclipse total de sol prevista para o 12 de agosto de 2026. O concello constituíu unha comisión especial de seguimento para lle ofrecer á cidadanía e ao turismo a mellor experiencia posible.
Baixo o lema A Coruña, CidadEclipse, organizaranse exposicións, charlas divulgativas, accións culturais e crearanse puntos de observación para este acontecemento histórico, que non se vive na cidade dende 1905 e non se repetirá ata o ano 2180.
Accións previas
- Campaña divulgativa: O concello desenvolverá unha campaña en centros educativos e centros cívicos a partir do mes de marzo co obxectivo de informar á cidadanía de todo o que necesitan saber sobre a eclipse.
- Museos Científicos: Haberá unha programación especial do Planetario vinculada coa eclipse e organizarase unha exposición itinerante.
Accións para o 12 de agosto
- Puntos de observación: haberá tres puntos de observación no Portiño, parque de Bens e monte de San Pedro, para os que se deseñará un dispositivo de tráfico especial con aparcadoiros disuasorios.
- Puntos especiais de observación nos barrios: cada barrio e distrito dispoñerá dun punto especial de observación da eclipse e tamén se creará un punto accesible para as persoas con mobilidade reducida.
- Programación cultural especial: haberá diferentes accións culturais especiais, entre elas as actuacións da orquestra Los Satélites e un concerto especial da Banda Municipal de Música da Coruña, que interpretará bandas sonoras de películas con temática espacial.
Novidades
Cando:
O 28 de abr de 2026
O Concello presenta dous visores interactivos para facilitarlle á cidadanía a observación da eclipse total do 12 de agosto
O 30 de abril o Sol situarase na mesma posición que terá durante a eclipse, o que permitirá facer probas reais de visibilidade
Cando:
O 16 de mar de 2026
A Casa das Ciencias organiza talleres formativos sobre a observación da eclipse de Sol, orientados a profesorado e profesionais socioculturais
A preinscrición nas actividades, todas elas gratuítas, abriranse este mércores 18 de marzo, ás 9.00 horas
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible