O espectáculo teatral "A visita do Apalpador", trata de achegar ás familias e nenas e nenos esta figura mítica do Nadal galego.

Este non é ano de froito, que hai moita seca. Como fará o Apalpador para conseguir castañas para repartir no Nadal? Neste espectáculo cóntase, dun xeito disparatado e divertido, a historia do Apalpador e a súa axudante, Trasniña. Nenas e nenos aprenderán a soutar e cantarán as cancións tradicionais sobre o personaxe, coa axuda do libro "O Apalpador" do escritor e actor Carlos Labraña.

Unha proposta de lecer en familia para nenos e nenas de 3 a 6 anos.

A actividade desenvolverase na aula 8 do Centro Ágora e haberá dous pases:  A visita do Apalpador pase das 17.00 h  e  A visita do Apalpador pase das 18.30 h  para os que se haberá que inscribir previamente en https://www.coruna.gal/lingua/gl/axenda/proximas-inscricions.

A cada pase só poderán asistir 40 familias (crianza + persoa adulta). Pídese puntualidade.

Organiza Normalización Lingüística do Concello da Coruña dentro do programa Apego.