Elenco: Queta Molas, Telmo Comesaña, Sheila Patricia, Lois Pérez

Toda historia de represión e inxustiza ten o seu relato de resistencia e esperanza. A nosa memoria esperta e renace nos lugares, na xente...

Sinopse. No 36, o fascismo franquista quixo apagar a nosa voz e o noso pensamento, quixo roubarnos a choiva. A historia escríbea quen gana, pero outras historias seguen escribíndose tamén. Hoxe, coma quen esperta tras un longo soño, volvemos a algún dos lugares onde habitou o silencio, o medo, a perda, e enchémolos de música, cancións e palabras. O Departamento de Memoria Histórica da Deputación de Pontevedra propón unha emocionante viaxe á memoria da man do poeta e narrador Lois Pérez e da cantante Uxía, que reúne algunhas das voces máis representativas de Galicia para ilustrar historias de loita e dignidade.

Idea orixinal: Departamento de Memoria histórica da Deputación de Pontevedra.