Xornada de portas abertas: Sábado 8 de outubro de 10.00 a 00.00 h.

1. Visitas guiadas:

Percorrido guiado polo Castelo de San Antón e as distintas seccións do Museo Arqueolóxico e Histórico, para coñecer o seu contido e a súa historia.

Hora: 12, 18 e 22 h.

Duración aprox.: 1,25 h.

Público: adulto

Prazas: 25

2. Obradoiros infantís:

2.1. Descubrindo o Museo

Abrimos as portas de San Antón para descubrir a importancia dos museos e as súas coleccións. Aproveitaremos para entrar en espazos descoñecidos e falar dos e das profesións que traballan neles. Teremos tempo, tamén, de descubrir de onde veñen os obxectos que forman parte das coleccións. Para terminar, traballaremos como auténticas/os especialistas no noso gabinete científico.

Hora: 12 h.

Duración aprox.: 1,5 h.

Público: de 6 a 12 anos

Prazas: 20

2.2. HeraldicART

Que é un escudo? Desde cando existen? Que representan? Estas e máis preguntas obterán resposta nesta actividade didáctica na que coñeceremos en detalle o escudo da Coruña e as súas lendas. Tamén poñeremos atención ás formas máis orixinais de representación dos nobres e, como non, teremos tempo de elaborar e crear o noso propio escudo.

Hora: 17 h.

Duración aprox.: 1,5 h.

Público: de 6 a 12 anos

Prazas: 20

3. Obradoiro para adultos:

Gabinete de Curiosidades: Viaxaremos ás orixes do concepto "museo" e coñeceremos os gabinetes de curiosidades, eses marabillosos espazos onde confluían pezas de moi distinta orixe, disciplina ou material. O obxectivo é ofrecer unha experiencia emocional e estimular aos e ás asistentes para utilizar as súas propias capacidades creativas, elaborando unha peza de gabinete, partindo da colección do Museo Arqueolóxico. Para iso utilizaremos imaxes de diferentes pezas impresas en acetato, rotuladores, témperas, cartolinas etc. para "customizalas" e crear pezas únicas.

Hora: 19 h.

Duración aprox.: 2 h.

Público: adulto

Prazas: 15