Antonio Orozco volve á Coruña para presentar "La gira de tu vida", un novo capítulo na súa carreira que nace do vínculo tan forte que construíu co seu público durante o último ano. A cita será o 3 de outubro de 2026 no Coliseum da Coruña, onde ofrecerá un directo moi especial no que o gran protagonista será o público.Este novo proxecto é a evolución natural de , "La gira de mi vida"coa que esgotou máis de 250.000 entradas en 2025 e conquistou cada cidade que visitou. Agora, Orozco transforma ese concepto para converter cada concerto nunha experiencia compartida que celebra as emocións, vivencias e historias que o acompañaron ao longo dos seus 25 anos de traxectoria.

Con máis de 1,5 millóns de discos vendidos, un Disco de Diamante, nove Discos de Platino, un Premio Ondas, un nomeamento aos Latin GRAMMY, e máis de 3.000 concertos en España, Europa e Latinoamérica, Antonio Orozco consolidouse como unha das voces máis queridas e respectadas da música en español."La gira de tu vida" promete un reencontro cheo de emoción na Coruña, un espectáculo onde cada persoa poderá recoñecerse, conectar e atopar o seu propio momento dentro do concerto.

VENDA DE LOCALIDADES

• Venda en liña: emotionalevents
• Venda no despacho de billetes do Coliseum: unicamente día de concerto.